E tete levu na kama ena kaukaua ni cagi ena taudaku kei Aceni, e Kirisi. E vakacacani kina na itikotiko, vakaleqai tale ga nodra bula eso na lewenivanua. Rauta ni le 76 era mate, ra mavoa tale ga e 187 na lewenivanua. E tukuni sa oti qo e 10 na yabaki qai yaco tale e dua na kama vakadomobula va qo.

E vola mai na valenivolavola ni tabana ni iVakadinadina i Jiova e Kirisi ni sega ni dua na tacida e mavoa se vakaleqai kina. Ia o ira na tacida e vakacacani nodra itikotiko era sa lai vakaicili ena nodra vale na mataveitacini ena ivavakoso voleka. E va nodra vale na iVakadinadina i Jiova e vakacacani, dua e kama yavu sara ga vakadua.

Keimami masulaki ira na tacida era sotava na leqa tubukoso qori kei ira na tacida era vakaraitaka na loloma nira lomasoli mera vakaicilitaki ira na tacidra. (Joni 13:34, 35) Eda kila ni o Jiova ena vakaukauataki ira tiko ga na tacida ena gauna dredre va qo.