Ena ika2 ni Tiseba 2021, e sogota na kisi me baleta na noda ivola na mataveilewai na Pervomayskiy District Court e Bishkek, mai Kyrgyzstan. Ratou kerea na Valenivolavola ni Dauveibeitaki me vakatabui e 13 na noda ivola. Ratou kaya ni ivola qori e vakavuna na tikoyavavala. E sega mada ga ni solia na tabana ni veibeitaki na gauna me ratou vakarautaki ratou vinaka kina na tacida, ratou vakatotolotaka tale ga me rogoci na kisi. Ia ratou qai solia na nodratou loya na tacida e dua na ripote e vakarautaki vinaka mai ena Watch Tower Bible and Tract Society of Pennsylvania, kei na iTikotiko ni Lotu ni iVakadinadina i Jiova e Kyrgyz Republic. Ni raica na turaganilewa na ripote qori, e kaya ni ratou sega ni muria vinaka na tabana ni veibeitaki na idusidusi ni mataveilewai, mani talaca kina na kisi. E rawa ni ratou kerea na dauveibeitaki ena loma ni tini na siga me rogoci tale na kisi.

Ena ika2 ni Tiseba, 2021, ena tauca na mataveilewai na Pervomayskiy District Court e Kyrgyzstan, na lewa me baleta e 13 na noda ivola. Ena rawa ni vakatabui qai okati me vakavuna na tikoyavavala. E caka na veilewai qo ni muri na ka e cakava o Rusia me vakatabui na noda ivola, kei na levu tale na ka. Kena ivakaraitaki, e vola na Kyrgyzstan State Committee for National Security vei ratou na dauveibeitaki me “vakatabui na noda ivola, kei na noda cakacaka ena vanua kece o Kyrgyzstan.”