Ena ika30 ni Noveba, 2018, e vakalawataka na Tabana ni Lawa e Kyrgyzstan na ofisi ni iVakadinadina i Jiova e Osh, na ikarua ni siti levu e Kyrgyzstan.

Tekivu ena 1998 era marautaka na tacida e Kyrgyzstan na galala ni sokalou, ia e veisau ena 2008 ni tauyavutaki e dua na lawa vou. E vakavuna kina nodra vakatotogani na tacida vei ira na vakailesilesi ni matanitu ena siti o Osh ena ceva kei Kyrgyzstan. Na ka e yaco qori, era okata kina na vakailesilesi ni sega ni dodonu vakalawa nodra soqoni vata na tacida se nira vunau. Eso na gauna era na curuma vakatawadodonu na nodra vale na tacida se na vanua era redetaka me caka kina na soqoni.

Eda marautaka dina na veisau e vakayacori ena kena soli na dodonu vei ira na tacida e Kyrgyzstan mera soqoni vata, qai wasea yani na itukutuku veivakacegui ena iVolatabu vei ira na lewenivanua.—1 Timoci 2:1-4.