LILONGWE, Malawi—Ena ika3 ni Me, 2017, rau a lesu tale i koronivuli o Aaron Mankhamba, 18, kei Hastings Mtambalika, 15, e rua na luve ni iVakadinadina i Jiova. Erau vakatalai mai na koronivuli na Khombe Primary School baleta ni rau sega ni via lagata na sere ni matanitu ena gauna era soqoni vata kece kina na gonevuli. Erau sega ni vakatarai me rau lako i vuli ena ika13 ni Feperueri, 2017. Erau mani lesu tale e koronivuli ena veivuke ni nodrau dui itubutubu kei na mata mai na valenivolavola ni iVakadinadina i Jiova. Eratou vakamacalataka vei ira na vakailesilesi ni koronivuli na vuna.

Ena gauna e caka kina na veivosaki, e vakaraitaka na mata mai na valenivolavola e rua na ivola ni matanitu vei ratou na vakailesilesi ni koronivuli. E dua na ivola qori mai na yabaki 1997, e volai vei ira na iVakadinadina i Jiova e Malawi, e vakaraitaka ni tu vei ira na iVakadinadina i Jiova na dodonu mera kua ni laga sere ni matanitu. Ena ikarua ni ivola e volai ena 2017, e uqeti ira na qasenivuli mera rokova na nodra galala ni sokalou na gonevuli.

E vakamacalataka o Hastings ni veidonui sara ga nodrau lesu tale i koronivuli, ni sa voleka sara toka na gauna ni veitarogi: “Keirau lomaleqa de keirau na calata na veitarogi. Na veitarogi va qo e dau vakayacori ga vakadua e veiyabaki.” Ke sega na maka vinaka ena veitarogi, ena vinakati mo dabe tale ena kalasi ga o tu kina.

E kaya o Augustine Semo na mata ni iVakadinadina i Jiova e Malawi: “Erau marau na gonevuli ni rokovi na nodra vakabauta, keimami vakavinavinakataki ira na vakailesilesi ni koronivuli ena nodra tokona na galala ni sokalou kei na nodra ciqomi rau na gonevuli.”

Gusunivosa:

Veiyasa i vuravura: David A. Semonian, Valenivolavola ni iTukutuku, +1-845-524-3000

Malawi: Augustine Semo, +265-1-762-111