Ena ika5 ni June 2022, e sevutaki na New World Translation of the Christian Greek Scriptures ena vosa vakaIban. Era gole e levu na tacida ena Vale ni Soqoni mera lai sarava na kena porokaramu e katoni. Eso tale era sema ga ena internet me rawa nira sarava. Ena tiko na kena ilavelave tabaki ena Julai se Okosita 2022.

Ni vakadewataki tiko na iVolatabu qori, dua na ka nodratou saga na timi ni vakadewa me vakasamataki vinaka na duidui vosa vakaIban e vakayagataki ena duidui vanua. Era digitaki eso na dauwiliwili mera wilika na ka sa vakadewataki, me vukei ratou tale ga na daunivakadewa me ratou biuta na vosa era vakayagataka vakalevu o ira na vosa vakaIban.

Na vakadewa vou qori ena vukei ira na dautukutuku mera vakamacalataka donu na iVolatabu ena cakacaka vakavunau. Kena ivakaraitaki, i liu dau dredre mera vakamacalataka na Joni 4:24, e tukuni ena ikarua ni cegu ni vakadewa vou qo: “O ira na sokalou vua [Kalou] e dodonu mera sokalou vakayalo, mera dina tale ga ena nodra sokalou.” Ia na vakadewa makawa ni iVolatabu vosa vakaIban, e vakadewataka na “yalo” me “yalodra na mate.” E dredre gona vei ira na tataleitaki mera kila na sala dodonu mera sokalou kina vua na Kalou.

E kaya e dua na daunivakadewa me baleta na iVolatabu vou qori: “Na vakadewataki ni New World Translation of the Christian Greek Scriptures ena neimami vosa, e vakaraitaka na levu ni nona lomani keda kece o Jiova.”

Meda masulaka ni iVolatabu qori ena vukei ira mera kila vinaka sara na iVolatabu, ra volekati Jiova qai vakalagilagia na yacana.—Same 117:1.