Ena ika8 ni Okosita 2023, e vakavuna na kaukaua ni cagi mai na dua na cagilaba na tete ni kama ena yanuyanu o Maui. Qori na ikarua ni yanuyanu levu duadua e Hawaii e Merika. E vakarusa na kama na sala ni veitaratara, na vale kei na vanua ni bisinisi. Era veivakasalataki na vakailesilesi mera dro na lewenivanua. E sa vakadeitaki nira sa takali na le 97. E sagai tale tiko ga me boko e vica na kama ena yanuyanu o Big Island mai Hawaii.

Qo na itukutuku e tauri rawa mai vei ira na mataveitacini

• Ka ni rarawa ni mai takali e dua na tacida tagane itabaqase ena vuku ni kama

• Era dro se tokitaki e 307 na dautukutuku

• E kama yavu e 42 na vale

• E vakacacani vakalevu e 2 na vale

• E vakacacani vakalailai e 38 na vale

• E vakacacani vakalailai e 1 Vale ni Soqoni

• Era veivuke qai veivakayaloqaqataki mai na iVolatabu na ivakatawa ni tabacakacaka kei na qase ni ivavakoso vei ira na tacida era vakaleqai

• E sa tuvanaki e dua na Komiti ni Vakacoko me raica nodra vukei na tacida

Eda vakanamata tu ena gauna ena vakaotia kina na Matanitu ni Kalou na draki ca e dau vakaleqai ira e levu, wili kina o ira na tacida.—Marika 4:39.