Ena ika13 ni Julai, 2019, e ravuravu e Louisiana na cagilaba o Barry. E vakacacana e levu na vale, waluvu na veivanua, vakaleqai tale ga vakalevu na livaliva e Alabama, Louisiana, kei Mississippi.

E sega ni dua na tacida e mavoa se mate, ia e le 123 era sa tokitaki. Kuria ya, e vakacacani e 27 nodra vale na tacida kei na 5 na Vale ni Soqoni.

Era sa veivakatawani tiko na ivakatawa ni tabacakacaka kei na qase ni vavakoso vei ira na vakaleqai. Era sa veivuke tale ga na tacida ena ivavakoso voleka ena kena vakarautaki na wai, kakana kei na vanua mera moce kina na vakaleqai. Era sa veivuke tiko na tacida ena vakacoko kei na vakavinakataki ni vale.

Meda nanumi ira ena masu da qai tokoni ira tiko ga na tacida era vakaleqai mera vosota na vakacaca ni cagilaba.—Vosa Vakaibalebale 18:10.