Ena Sigatabu na ika3 ni Maji, 2019 e ravuravu na covulaca vakarerevaki ena dua na iwase ni vanua e Alabama, Florida, kei Georgia. Era mate kina e le 23, e levu tale ga era mavoa.

E ripotetaka na valenivolavola ni tabana e Merika ni sega ni dua na tacida e vakaleqai. E dua ga na tacida yalewa e mavoa ni vakacacani vakadua nona vale e Fort Valley, e Georgia. Sa lai qaravi tiko vakavuniwai ena dua na valenibula e voleka e kea. E ono tale ga na tacida e vakacacani nodratou vale, e va tale na vale e vakacacani sara ga vakadua. Ena veidusimaki ni ivakatawa ni tabacakacaka, era sa veivuke tiko na vo ni tacida ena vakarautaki ni kakana, icili kei na isulu vei ira na vakacacani nodra vale. Era gumatua tale ga na qase ni ivavakoso mera veivakacegui vakayalo.

Eda masulaka ni na vakacegui ira na tacida qori na noda tikinivolatabu vakayabaki ni 2019, “Kua ni taqaya niu nomu Kalou.”—Aisea 41:10.