Ena vica na vula sa oti, e tete e levu na kama ena yasana o Kalifonia, e vakacacana tale ga e levu na vanua.

E ripotetaka na valenivolavola ni tabana e Merika nira sa tokitaki e sivia na le 1,700 na tacida ena vuku ni kama qori. E sega ni dua e mate se mavoa. E tekivu na kama e Calimesa ena ika10 ni Okotova 2019, e kama yavu kina nona vale e dua na tacida. E vakacacani tale ga eso na vale ena vuku ni kubou ni kama. Voleka ni o ira kece na tokitaki qori era sa lesu tale ena nodra itikotiko.

E kaya e dua na qase ni ivavakoso e vakaitikotiko ena vanua qori, “E bibi meda muria na veidusimaki ena ituvaki va qori. Era vuki totolo na tacida mera vagalala, e rawarawa kina vei ira na dau bokobuka mera bokoca na kama, era sega tale tiko ni vaqarai ira na lewenivanua.”

Sa tuvanaka na ivakatawa ni tabacakacaka kei ira na qase ni ivavakoso, na ka ni veivuke vei ira na tacida era tokitaki mai nodra vale. E veiuqeti dina na nodra loloma kei na nodra veikauaitaki na mataveitacini ena vanua voleka. Na ivakaraitaki ni loloma qori, e kaya kina e dua na ivakatawa ni tabacakacaka, “E sega ni leqataki na vanua mera tiko kina na tacida era vakaleqai.”

Eda vakavinavinakataki Jiova ena vukudra na tacida era ‘dau veivakacegui’ vei ira na vakaleqai ena kama qo.—Kolosa 4:11.