Ena ika4 ni Julai, 2019, e kurea na ceva kei Kalifonia ena yasayasa o Mojave Desert na uneune. E 7.1 na kena kaukaua, qori na uneune kaukaua duadua me vakacaca ena vanua qori ena ruasagavulu na yabaki sa oti.

A yaco na uneune volekata na siti o Ridgecrest, era vakaitikotiko e rauta ni le 215 na dautukutuku. E sega ni dua na tacida e mavoa vakaca, ia e le tolu ratou mavoa, e le vitu ratou sa tokitaki. A vakacacani vakalevu e 7 nodratou vale na tacida, e vakacacani tale ga e 35 na vale. Kuria ya, e vakacacani vakalailai e rua na Vale ni Soqoni.

Rau sa dikeva tiko e rua na ivakatawa ni tabacakacaka na vakacoko ena yasayasa qori. Era sa veivakayaloqaqataki qai veivakacegui tiko vakayalo o rau na ivakatawa ni tabacakacaka kei ira na qase ni vavakoso vei ira na tacida era vakaleqai.

Meda nanumi ira ena masu ni na solia o Jiova na vuku vei ira na tacida mera vosota na leqa tubukoso va qori.—Vosa Vakaibalebale 2:6-8.