8 SEVITEBA, 2021
MERIKA
Vakacaca e Merika na Cagilaba o Ida
Ena ika29 ni Okosita, 2021, e vakacaca na Cagilaba o Ida e Port Fourchon mai Louisiana. E category 4 na kena kaukaua. E lai yaco kina na ualoka, bi ni uca qai kaukaua na cagi. Era waluvu kina e levu na vanua, vakacacani e levu na vale kei na boko ni livaliva. Ena imatai ni Seviteba, e lai waluvu qai covulaca na vuaicake kei Merika. Ena so na vanua, ena boko tu na livaliva me vicavata na macawa.
Kedra iTuvaki na Tacida
Me yacova mai qo, e sega ni dua na tacida e takali
Rau mavoa ga vakalailai e rua na tacida tagane
E mavoa e dua na tacida yalewa qai laurai e valenibula
E vakacacani vakalailai e 1,429 na vale
E vakacacani vakalevu e 183 na vale
E vakarusai e 19 na vale
E vakacacani valailai e 43 na Vale ni Soqoni
E vakacacani vakalevu e 10 na Vale ni Soqoni
E vakacacani vakalailai e 4 na Vale ni Soqoni Lelevu
E vakacacani ena cagilaba na nona vale e dua na tacida yalewa e New Orleans, Louisiana
Veivuke ni Vakacoko
Era vakayaloqaqataki ira tiko na tacida era vakaleqai na ivakatawa ni tabacakacaka, na qase ni ivavakoso kei na lewe ni Komiti ni Vakacoko
E kau tale vei ira na tacida eso na ka ni veivuke me vaka na kakana, wai kei na wainimate
E muri tiko ga na vakatatabu ni matedewa ena gauna ni vakacoko
E taqomaki na nodra bula na tacida nira vakarautaki ira tu ni bera na leqa tubukoso ra qai talairawarawa ena nodra ivakaro na vakailesilesi vakamatanitu.—Vosa Vakaibalebale 22:3.
Rawa ni o Wilika Tale ga
TARO E TAROGI WASOMA
Era Dau Veivuke na iVakadinadina i Jiova ena Leqa Tubukoso?
Wilika na neimami vukei ira keimami vakabauta kei ira eso tale ena gauna ni leqa tubukoso.