Louisiana kei na ceva kei Texas

• Ena ika9 ni Okotova 2020, e vakacaca na cagilaba o Delta (category 2) ena ra kei Louisiana. E kuria na vakacaca se qai cakava ga na cagilaba o Laura.

• E tau bi na uca, waluvu na veivanua, e kaukaua tale ga na cagi e vakavuna me boko kina na livaliva ena levu na vanua

• Era tokitaki mai nodra vale e 1,583 na dautukutuku

• Vakacacani e 216 na vale kei na 16 na Vale ni Soqoni

• Vakacacani vakalevu e 7 na vale

• Vakarusai e 3 na vale

• Era veivuke na ivakatawa ni tabacakacaka kei na qase ni ivavakoso ena kena vakarautaki vei ira na tacida na kakana, wai, vanua mera tiko kina, kei na so tale na ka. E tuvanaka qori na Komiti ni Vakacoko e lesi ena gauna e yaco kina na cagilaba o Laura. Era muria tale ga na tacida na vakatatabu ni matedewa na COVID-19

Era cakacaka vakaukaua na qase ni ivavakoso ena nodra vakatawani na mataveitacini. E kaya e dua na qase ni ivavakoso: “Eda qoroya na sala e vakaukauataki ira kina na mataveitacini o Jiova. E solia vei ira na ‘kaukaua e uasivia na kaukaua ni tamata.’”—2 Korinica 4:7.

Eda vakavinavinakataki Jiova ni nodra ‘idrodro, nodra ivunivuni tale ga’ na tacida era vakaleqai ena cagilaba qo.—Aisea 4:6.