7 SEVITEBA, 2020
MERIKA
Vakacaca na Cagilaba o Laura e Louisiana
Vanua
Arkansas, Mississippi, ra kei Louisiana, kei na tokalau kei Texas
Leqa Tubukoso
Ena ika27 ni Okosita 2020, e vakacaca na cagilaba o Laura ena ra kei Lousiana. E Catergory 4 na kena kaukaua, e vakacacana na vale qai boko na livaliva
Kedra ituvaki na tacida
E ka ni rarawa ni mai leqa e dua na tacida yalewa itabaqase ni tokitaki mai na vanua e qaravi tiko kina
E mavoa tale ga e dua na tacida yalewa
Era tokitaki mai na nodra vale e 3,992 na dautukutuku
Veika e vakacacani
E vakarusai vakadua e 10 na nodra vale na tacida
E vakacacani vakaca e 95 na vale kei na 4 na Vale ni Soqoni
E vakacacani vakalailai e 192 na vale kei na 16 na Vale ni Soqoni
Cakacaka ni vakacoko
E tuvanaka na valenivolavola ni tabana e Merika na Komiti ni Vakacoko
Era cakacaka vata na ivakatawa ni tabacakacaka kei na qase ni ivavakoso ena nodra vakaicilitaki na tacida e vakacacani na nodra vale
iRogo
Era veivakaicilitaki na tacida vei ira e vakacacani na nodra vale, ena gauna vata qori era muria tiko na lawa ni vakatatabu ni matedewa na COVID-19. E kaya e dua na tacida tagane e tokitaki: “Keimami raica sara ga na veivakalougatataki i Jiova!”
Nira talairawarawa na tacida ina veidusimaki kei na nodra vukei ira na mataveitacini era vakaleqai ena cagilaba, era sa vakaraitaka nira “italatala ni Kalou.”—2 Korinica 6:4.