6 NOVEBA, 2020
MERIKA
Vakacaca na Cagilaba o Zeta
Vanua
Cevaicake kei Merika
Leqa tubukoso
Ena ika 28 ni Okotova 2020, e vakacaca e Louisiana na cagilaba o Zeta. E category 2 na kena kaukaua, oti e malumu vakalailai qai vakacaca ena so na vanua ena cevaicake kei Merika
E waluvu na veibaravi, e kaukaua na cagi qai vakacacana e levu na vale e vakavuna tale ga me boko na livaliva ena levu na vanua
Kedra ituvaki na tacida
E 324 na dautukutuku era tokitaki mai nodra vale
E mavoa e 1 na dautukutuku
Veika e vakacacani
E vakacacani vakalailai e 91 na vale kei na 14 na Vale ni Soqoni
E vakacacani vakalevu e 8 na vale kei na 3 na Vale ni Soqoni
E vakarusai vakadua e 1 na vale
Cakacaka ni vakacoko
Era cakacaka vata na ivakatawa ni tabacakacaka kei na qase ni vavakoso mera vakatawani na tacida, kei na kena vakarautaki vei ira na iyaya ni vakacoko. Na Komiti ni Vakacoko a lesi me qarava na veika e vauca na matedewa na COVID-19, kei na cagilaba o Laura ena vanua qo. Sa veivuke tale tiko vei ira na vakaleqai ena cagilaba o Zeta, era muria tale ga na vakatatabu ni matedewa.
Eda rarawataka ni tarai ira vakalevu na tacida na vakacaca ni cagilaba qo. Ia e vakadinadinataki ena vakacoko nona lomani ira tu ga nona tamata o Jiova.—Same 89:1.