Ena ika11 kei na ika12 ni Janueri, 2020, e ravuta na ceva kei na ra kei Merika e dua na draki ca. Rua na siga na kena vakacaca vakalevu ena yasayasa qori na bi ni uca, liwa ni cagi kei na covulaca. Ka ni rarawa ni rau mate kina o Brother Albert Barnett, e yabaki 85, kei watina o Sister Susan Barnett, e yabaki 75.

E ripotetaka na valenivolavola ni tabana e Merika, ni rauta e va nodratou vale na tacida e vakacacani, wili kina e rua na Vale ni Soqoni. Kuria ya, e vakacacani tale ga vakalevu nodra ka ni bisinisi na tacida.

Era sa veivakayaloqaqataki tiko vakayalo na qase ni vavakoso kei na ivakatawa ni tabacakacaka vei ira na vakaleqai. Eda kila vinaka na Tamada vakalomalagi o Jiova ena vakacegui ira na tacida era sotava tiko na ka vakaloloma qo.—Same 34:18.