Ena Me 2019, e ripotetaka na tabana ni tukutuku na vakacaca ni bisa ni uca, kei na 500 na covulaca e Merika.

Era vakaleqai kina na tacida era tiko e Arkansas, Indiana, Mississippi, Missouri, Ohio, Oklahoma, Pennsylvania, kei Texas. E sega ni dua na tacida e vakaleqai kina, ia ratou mavoa e le ono, e le va vei ratou qori era curu e valenibula. Kuria ya, e vakacacani vakadua e 6 nodratou vale na tacida, e vakacacani tale ga e 98 nodra vale kei na 12 na Vale ni Soqoni. Era sa tokitaki tale ga na le 84 na tacida.

Era se vakadikeva tiko na tacida na veika e vakacacani, era vakarautaka tale ga na kakana, wai kei na vale vei ira na vakaleqai. Era sa veivakayaloqaqataki qai veivakacegui tiko vakayalo na qase ni vavakoso, kei ira na ivakatawa ni tabacakacaka vei ira na tacida.

Meda tokoni ira na tacida da qai nanumi ira ena masu, ni se qai oti toka ga na draki ca.—2 Korinica 1:3, 4.