Alabama, Florida, kei Mississippi

• Ena ika16 ni Seviteba, 2020 e vakacaca na cagilaba o Sally, e Alabama. E category 2 na kena kaukaua. E tau bi na uca me vica vata na aua, qai vakavuna na waluvu

• Na kaukaua ni cagi e vakacacana e levu na vale, e vakavuna talega na boko ni livaliva

• Era tokitaki mai nodra vale e 240 na dautukutuku.

• E mavoa e dua na dautukutuku

• E vakacacani e 143 na vale kei na 11 na Vale ni Soqoni

• E vakacacani vakaca e 12 na vale kei na 1 na Vale ni Soqoni

• Era cakacaka vata tiko e rua na Komiti ni Vakacoko, ira na ivakatawa ni tabacakacaka kei ira na qase ni vavakoso ena kena qaravi nodra veika vakayalo, vakayago talega o ira na tacida era vakaleqai ena vanua qori. Ena gauna vata qori era muria tiko ga na veidusimaki ni COV-19

Oti na cagilaba e kaya e dua na dautukutuku ni vakila na nuiqawaqawa. Ia era qai veivuke totolo yani na lewe ni dua na ivavakoso. Qo na ka e kaya, “E tarai au dina na nodra loloma kei na nodra veikaroni na mataveitacini.”—1 Joni 3:18