Ena 1922, a caka e dua nodra soqo na iVakadinadina i Jiova e Cedar Point, Ohio, e Merika. Qori e dua na soqo bibi qai uqeti ira kina na vakarorogo o Brother Joseph F. Rutherford mera vunautaka na Matanitu ni Kalou.

Na ka tale ga e vakasakiti kina na soqo qori, ni caka na kena vidio. Me yacova mai qo, e sega ni laurai na vidio qori.

Dua na itaba ni soqo qori e vakaraitaki kina na vata e rewa i cake, qai tu kina na misini ni vidio me tabaka na veika e laurai ena buturara. Gauna ya, se ka vou kina na caka vidio.

Kena irairai ni levu era sarava na vidio ni soqo qori. Kena vakaraitaki, e tabaka e dua na niusipepa na ivakamacala ni vidio. Era sureti na vakarorogo mera “Sarava na Soqo ena Nodra Vale, Sotavi Ira Nodra iTokani, qai sarava na ivunau ni Papitaiso.” E tukuni tale ga na ka mera cakava ena cakacaka vakavunau: “Sureti ira mai o ira oni tiko veivolekati, qai vakaraitaka vei ira na iTaba ni Soqo. Mo kua ni calata.”

Yalovinaka, ke o raica e dua na kopi ni iyaloyalo qori, veitaratara ena tabana ni Museum Department ena MuseumDonations@jw.org, se volavola ena World Headquarters of Jehovah’s Witnesses at 1 Kings Drive, Tuxedo Park, NY 10987. Keimami nuitaka ni na kune na vidio qori, ni bibi ena ivolatukutuku ni iVakadinadina i Jiova.