Ena ika31 ni Me, 2019, e vanavana ena loma ni ofisi e dua, mai Virginia Beach, Virginia, e Merika. Ratou mate e le tinikarua, e le va tale ratou mavoa.

E ka ni rarawa ni ripotetaka na valenivolavola ni tabana e Merika, ni sa mai takali toka ena veivanavanai qori na tacida yalewa o LaQuita Brown. E yabaki 39 o Sister Brown, e veiqaravi tiko vakapainia tudei ena dua na ivavakoso vosa vakaVaranise (Seaview French Congregation) e Norfolk, Virginia. E bolecakacaka tale ga ina Tarataravaki e Qarava na Valenivolavola ni Tabana. Era sa veivakayaloqaqataki qai veivakacegui tiko vakayalo vei ira nona itokani kei ratou nona vuvale, o ira na qase ni ivavakoso kei na ivakatawa ni tabacakacaka.

E rarawataki dina na itukutuku qori. Ia eda rai vakanamata ena gauna sa na oti kina na leqa va qori, ena vakilai tale ga e ‘levu na vakacegu’ e vuravura.—Same 37:10, 11.