Ena ika14 ni Noveba 2019, e vanavana e dua na gonevuli ena dua na sekeniri e Santa Clarita, e Kalifonia. E vanai rau e rua na gonevuli, ratou mavoa e le tolu, oti e vanai koya tale ga.

E ka ni rarawa ni lauvana mate tale ga o Dominic Blackwell, e iVakadinadina i Jiova o tinana. E yabaki 14 o Dominic, dau lako vakalevu kei tinana o Sister Nancy Blackwell ena soqoni. Se bula tiko nona itubutubu kei na tolu na tacina. Ratou sa veivakacegui tiko vakayalo na qase kei na ivavakoso vei ratou na vuvale.

Eda rarawataka dina na itukutuku qori. Ia eda rai vakanamata ena gauna ena ‘qusia tani kina na Kalou na wainimata kece . . . , sa na sega tale na mate, na lolosi, na tagiyaso, kei na mosi. Sa oti na veika e dau yaco e liu.’—Vakatakila 21:4.