Ena macawa donuya na ika16 ni Seviteba, 2019 e luvu na veivanua ena cevaicake kei Texas ena cagilaba o Imelda. Dua na ka na bisa ni uca ena loma ga ni vica na siga qori, vakavuna me tubu na levu ni wai ina sivia e 102 na sedimita. E tukuni ni qo e dua na cagilaba me taubi kina na uca e Merika. Oti na cagilaba, e sega ni caka rawa na levu ni motoka era tu e gaunisala. Era tokitaki tale ga eso na lewenivanua.

E ripotetaka taumada na valenivolavola ni tabana e Merika, ni sega ni dua vei ira na le 29,649 na tacida e mavoa se vakaleqai ena vanua e vakacaca kina na cagilaba. Ia era tokitaki e le 114 na dautukutuku. Kuria ya, e vakacacani e 145 nodra vale na mataveitacini, kei na tini na Vale ni Soqoni.

E lesia na valenivolavola ni tabana e dua na Komiti ni Vakacoko me cakacaka voleka, kei ira na ivakatawa ni tabacakacaka kei na qase ni ivavakoso mera kila kina na levu ni vakacaca kei na ka me vakarautaki ena vakacoko. Me vaka ni ‘yaco sara i lomalagi na dei ni nona loloma’ o Jiova, eda kila ni na tokoni ira na tacida.—Same 36:5.