6 TISEBA, 2018
MERIKA
Uneune e Alaska
Ena ika30 ni Noveba, 2018, a kurei Anchorage mai Alaska, e dua na uneune e rauta ni 7.0 na kena kaukaua. E kaya na tabana ni itukutuku ni sega ni dua e mate, ia e kavida na gaunisala.
E ripotetaka na valenivolavola ni tabana e Merika, ni ratou mavoa e le vitu na tacida. E vakacacani e 16 nodratou vale na tacida, kei na rua na Vale ni Soqoni. Ena veidusimaki ni ivakatawa ni tabacakacaka, sa veivuke tiko na ivavakoso ena vakarautaki ni kakana, isulu, wai kei na vale vei ira na vinakata na veivuke. Era sa veivakacegui tale ga vakayalo na qase ni vavakoso.
Meda nanumi ira tiko mada ga na tacida qori ena noda masu. Eda nuidei ni na vu ni noda kaukaua o Jiova, e noda idrodro tale ga.—Same 28:8, 9.