Era veivuke tiko na iVakadinadina i Jiova vei ira na nodra lewe ni lotu kei na so tale era vakaleqai ena cagilaba o Matthew ena Bahamas, Caribbean, kei na ceva kei Merika ena Okotova 2016.

Era le 1,400 na iVakadinadina i Jiova ena Bahamas, qai veimama ni iwiliwili qori era vakaleqai ena cagilaba. A vakau ena waqa na kakana, wai, kei na so tale na iyaya e gadrevi vakatotolo.

E 124 na nodra vale na iVakadinadina e Cuba a vakacacani, e 31 na vale e talaraki vakadua.

E 700 vakacaca na iVakadinadina e Haiti era vakaleqai ena cagilaba. E vakarusai e 73 na vale, kei na 4 na vanua ni sokalou. E 274 tale na vale e vakacacani, kei na 15 na vanua ni sokalou. A veisoliyaki vei ira na vakaleqai na kakana kei na wainimate, a voli tale ga na valelaca mera toka vakawawa kina o ira e vakarusai na nodra vale.

A vakacacani ena cagilaba e 125 na nodra vale na iVakadinadina e Merika. E laurai ena dua na ripote e tauri rawa ni leqataki de yaco na waluvu ni tubu tiko na wai ena veiuciwai.

E cicivaka tiko na cakacaka ni vakacoko na iLawalawa Dauvakatulewa ni iVakadinadina i Jiova ena nodra itikotiko liu, qai vakayagataki kina na ilavo e dau cautaki me baleta na nodra cakacaka na iVakadinadina e veiyasa i vuravura. E kaya o David A. Semonian na gusunivosa ni iVakadinadina i Jiova: “E sega ni mate e dua na iVakadinadina, ia keimami nanumi ira e takali e dua na wekadra ena cagilaba.”

Gusunivosa:

Veiyasa i vuravura: David A. Semonian, Valenivolavola ni iTukutuku, 1-718-560-5000

Bahamas: Maxwell Dean, 1-242-422-6472

Haiti: Daniel Lainé, 509-2813-1560