E vakacaca vakalevu na cagilaba o Florence qai luvu kina na veivanua e North Carolina, South Carolina, kei na so tale na yasayasa. Na kena kaukaua era mate kina e rauta ni le 32 na lewenivanua, ra qai vakaroti na vica vata na udolu mera biuta nodra itikotiko.

E kaya na valenivolavola ni tabana e Merika ni sega ni dua na dautukutuku e mate se mavoa vakaca. Ia e sivia na le 4,000 na iVakadinadina i Jiova era tokitaki. Sa oti na cagilaba, ia eso ga na vanua se luvu tiko ena sega ni rawa gona ni lakovi me laurai na ka e vakacacani kina. Na itukutuku e tauri rawa ni cagilaba qo e vakacacana e 351 nodra vale na tacida, kei na 21 na Vale ni Soqoni.

Sa vakarautaka na Komiti ni Vakacoko (DRC) na kakana, wai, isulu, vale, kei na veiqaravi vakavuniwai. E wili tale ga ena vakacoko qori e rua na timi mera vagalalataka na vunikau era ramusu. Me rawa nira vakavinakataki na vale era vakacacani, era sa bolecakacaka eso ena veivavakoso voleka, kei ira talega era kerei mai na so tale na vanua mera veivuke kina. Era sa veivakayaloqaqataki tiko na qase ni vavakoso, kei ira na ivakatawa ni tabacakacaka vei ira na vakaleqai.

Meda masulaki ira mada ga na tacida era vakila tiko na ituvaki dredre e vakavuna na cagilaba qori, da qai vakanamata ina gauna eda na ‘sega ni vakila tale kina na rere.’—Aisea 12:2.