Me tekivu na ika3 ni Me, 2018, e ceburaka tiko ga na volukano na vanua e Kilauea e Big Island, mai Hawaii, Merika. Era tokitaki kina e rauta na le 2,000 era vakaitikotiko ena vanua qori, qai vakacacani e rauta e 36 na vale era sema vata tu.

Era maliwai ira na tokitaki qori e va na vuvale iVakadinadina i Jiova kei na dua na tacida yalewa itabaqase. E sega ni dua na Vale ni Soqoni e vakacacani ena vatu katakata waicala e kaburaka tiko na volukano se na kena vuruvuru. Ia ena ika4 ni Me e yaco e dua na uneune e 6.9 na kena kaukaua, qai vakacacana vakalailai na Vale ni Soqoni.

Era cakacaka vata na Komiti ni Vakacoko kei ira na mataveitacini mera vukei na dautukutuku. Ni sa vinaka ga na kedra ituvaki, ena cakacaka na Komiti me laurai se veivuke cava tale ena vinakati.

Ni se yaco tiko na leqa tubukoso qo, meda nanumi ira mada ga ena masu na tacida era vakaleqai, eda nuidei tale ga ni na nodra idrodro o Jiova ena gauna rarawataki qori.—Neumi 1:7.