NIU YOKA—Ena Vakarauwai na ika29 ni Epereli, 2017, era veisureti ena ikarua ni gauna na iVakadinadina i Jiova ena itikotiko liu vou e Warwick, Niu Yoka. Levu sara era yaco mai ni vakatauvatani kei na macawa e liu.

Era yaco mai e 468 na vulagi ena Vakarauwai sa oti, e tubu na iwiliwili ena 18 na pasede ni vakatauvatani kei na Vakarauwai yani e liu. E kaya o Troy Snyder, na manidia e qarava na vale ena itikotiko liu: “Keimami marau nira lako tale ga mai eso era tiko voleka, vakabibi o ira na vakailesilesi ena tauni mera mai sarasara. Era lako tale ga mai eso ena yasayasa qo ena ikarua ni gauna ni uqeti ira na ka era raica se vakadinadinataka ena macawa yani e liu.”

Era le 863 na mai sarasara ena rua na Vakarauwai veitaravi qo, ya ena tini na kaloko ena mataka kei na va ena yakavi. E kaya o Snyder: “Sa dua na ka vinaka na nodra yaco mai. Keimami rogoca eso na ivakamacala veiuqeti. Keimami vakanamata tale tu ena nodra veisiko tarava mera mai sarasara eke kei na vale ni maroroi iVolatabu.”

A sureti tale ga o Ingrid Magar, e tiko voleka e Tuxedo Park, Niu Yoka. A cakacaka tu ena kabani na International Nickel me 18 na yabaki, e kena daunivakadidike. Ni vakasamataka lesu na ka e dau caka ena vanua qo, e kaya: “Au qoroya na irairai ni vanua qo. Sa dede na kena lala tu, e sega ni macala na ka ena caka kina. Sa rairai vinaka tu mada, oni qai vakarairaivinakataka tale.” E kaya tale ga me baleti ira na vakaitikotiko kina ena gauna qo: “Au kila ni oni dau veitokoni [na iVakadinadina i Jiova]. Oni dauloloma, veikauaitaki, oni kauaitaka na veikabula, na itikotiko, au rawa ni kaya ni keimami kalougata vakalevu nida sa mai veivolekati.”

E kaya o William Hoppe, na idinia e dikeva na vale ena tauni o Warwick ni vo e rua na yabaki me vakaoti na cakacaka: “E matata nira vinakata na ivakarau ni cakacaka vinaka duadua.  . . . E laurai qori ena itaratara ni vale. Dua na ka noqu qoroya nodra kauaitaka na itikotiko kei na veikabula ni vakacagau tiko na tarataravaki, na kena vakavinakataki, na kena taqomaki vakavinaka na kau kei na veikabula. Qo e dua na ivakaraitaki vinaka vei ira na qai taravale ena dua na gauna sa tu qo e liu.”

Gusunivosa:

David A. Semonian, Valenivolavola ni iTukutuku, +1-845-524-3000