Ena imatai ni Seviteba ina ika3 ni Seviteba 2019, e vakacaca na cagilaba o Dorian ena Bahamas. E veitokoni sara na valenivolavola ni tabana e Merika ena kena vakarautaki na iyaya ni veivuke e Florida, e Merika. Ni sa rawa tale na veitosoyaki, era lomasavu na tacida me vakayagataki nodra waqa se waqavuka me usani kina na ka ni veivuke ena vanua qori.

Era gole e le tinikatolu na tacida mera lai solia e 15 na tani na iyaya ni vakacoko. E sivia tale ga na le 700 na bole cakacaka mera veivuke ena vanua e vakacacani. Kuria ya, e vakayagataki e 13 nodra waqa na tacida me usani kina e sivia e 90 na tani na iyaya ni veivuke. E rauta ni 12 na aua na vodo waqa ina Bahamas qai lesu i Florida.

E kaya o Jose Cabrera, na manidia ni siteseni ena Palm Beach International Airport e Florida: “Oti ga na cagilaba, era vakarautaka [na iVakadinadina i Jiova] na iyaya ni veivuke, ra gole tale ga mera lai veivuke. E vakasakiti dina nodra ivakaraitaki.”

E kaya o Brother Glenn Sanders, e pailate ni waqavuka: “E levu vei keimami se qai matai ni gauna qo me keimami vakayagataka neimami kila mera vukei ira kina na tacida. E marautaki dina nida lewe ni dua na isoqosoqo, tiki ni dua na yago, da qai vakacegui ira na tikiniyagoda era vakaleqai.”—1 Koronica 12:26.

E kaya na valenivolavola ni tabana e Merika ni rauta e $1,750,000 (ilavo ni Merika) e vakayagataki ena vakacoko, ena qai vakacavari na veivuke ena imatai ni Me, 2020.