FEPERUERI 26, 2018
MERIKA
iRogo Vou me Baleta na Cakacaka ni Vakacoko
NIU YOKA—Era se vukei tiko ga na lewe i Texas, Merika, ena vuku ni vakacaca ni cagilaba o Harvey. A tekivu ravuravu na cagilaba ena baravi volekati Corpus Christi ena ika25 ni Okosita, 2017. Erau cakacaka vata tiko e rua na Komiti ni Vakacoko ena nodra vukei na vica vata na udolu na mataveitacini era vakaleqai.
Vaqarai ira tiko na iVakadinadina i Jiova e dua na tacida ena vanua ni vakaruru e Houston, Texas.
Era bole e sivia na le 7,000 mera veivuke ena samaki ni nodra vale e 2,300 na dautukutuku. E rauta ni le 1,000 era veivuke e veimacawa ena so na cakacaka ni tarataravaki. Me yacova mai nikua, sa vakavinakataki e 48 na Vale ni Soqoni, qai sivia na 545 na vale era na vakavinakataki ena vica na vula mai qo. E nanumi ni rawa ni vakayagataki e $8.5 na milioni ena cakacaka ni vakacoko ena yasayasa mada ga o Texas, ena qai oti na cakacaka ena ika30 ni June, 2018.
Me tekivu mai na Okosita 2017, sa ra veisiko oti ena vanua e vakacaca kina na cagilaba e le 22 na mata mai na valenivolavola ni tabana, kei na 7 na lewe ni Komiti ni Tabana. Era gole mera lai vakayaloqaqataki ira na dautukutuku era vakaleqai. Meda masulaka mada ga me ‘vakaukauataki na ligadra’ o ira era bole mera veivuke ena cakacaka ni vakacoko.—Niemaia 6:9.
O ira na veivuke ena vakacoko e Aransas Pass, Texas.
Gusunivosa:
David A. Semonian, Valenivolavola ni iTukutuku, +1-845-524-3000
Rawa ni o Wilika Tale ga
ITUKUTUKU VOU
Totolo Nodra Veivuke ena Vakacoko na iVakadinadina i Jiova
E vakamacalataka na valenivolavola ni tabana ni iVakadinadina i Jiova eso na veivuke era vakarautaka ena vanua e vakacacani ena cagilaba o Irma kei Maria, kei na nodra veivakacegui vakayalo vei ira na tacida era vakaleqai.