JUNE 17, 2002—Vakadeitaka tale na Mataveilewai Cecere e Merika na lewa a tauca ena veiyabaki ni 1940. E solia kina na dodonu vakalawa vei ira na tacida mera cakacaka vakavunau vei ira na lewenivanua (Watchtower Bible and Tract Society of New York, Inc. v. Village of Stratton)

OKOSITA 1998—Sivia e le dua na milioni na tacida e Merika

EPERELI 15, 1992—Duavata na Mataveilewai Cecere e Ohio kei na lewa e tauca eso na mataveilewai ena kisi na Pater v. Pater, ya ni sega ni tu vua na mataveilewai e ra na kaukaua me kauta laivi nodra dodonu na itubutubu ena vuku ni nodra lotu

OKOTOVA 30, 1985—Tauca na lewa na Mataveilewai Cecere e Mississippi, ni tiko nona dodonu e dua me digia na veiqaravi vakavuniwai e sega ni soli kina na dra, e soli tale ga vua na galala ni sokalou (In re Brown)

OKOSITA 31, 1972—Tauca na lewa na Mataveilewai ni Rogokudru e Columbia ni dodonu vua na matanitu me doka na nona vakatulewataka e dua me kua ni taura na dra (In re Osborne)

NOVEBA 30, 1953—Kaya na Mataveilewai Cecere e Merika ni dodonu vua e dua na tacidame curu ena mataivalu veitalia ke cakacaka saumi tiko (Dickinson v. United States)

1944—Lailai nodra vakacacani na tacida

JUNE 14, 1943—Veisautaka na Mataveilewai Cecere e Merika na lewa a tau ena kisi na Gobitis. E kaya ni beci nona galala ni vosa kei na nona sokalou e dua na gone iVakadinadina ke tukuni vua me cavuta na vosa ni bubului qai vakarokorokotaka na kuila (West Virginia State Board of Education v. Barnette)

ME 3, 1943—Bokoca na Mataveilewai Cecere e Merika na lawa mera sauma na tacida na ivolatara me veisoliyaki kina na ivola vakaivolatabu (Murdock v. Pennsylvania)

JUNE 3, 1940—Tauca na lewa na Mataveilewai Cecere e Merika ni dodonu me vakarokorokotaki na kuila ena veikoronivuli (Minersville School District v. Gobitis). Era vakacacani tale ga na tacida

ME 20, 1940—iMatai ni gauna me tauca kina na lewa na Mataveilewai Cecere e Merika, ya ni dodonu ina matanitu kei ira na vakailesilesi mera doka na lawa ni First Amendment me baleta na galala ni sokalou. E kaya tale ga nira sega ni vakavuna na tacida na tikoyavavala (Cantwell v. Connecticut)

MAJI 28, 1938—Bokoca na Mataveilewai Cecere e Merika na lawa me baleta na ivolatara vei ira na tacida ni bera nira veisoliyaka na ivola vakaivolatabu (Lovell v. City of Griffin)

JULAI 26, 1931—Vakatokai na Gonevuli ni iVolatabu mera iVakadinadina i Jiova

ME 14, 1919—Era sega ni totogitaki na vakailesilesi ni Watch Tower Bible and Tract Society of Pennsylvania, qai bokoci na ka era beitaki kina

JUNE 20, 1918—Era beitaki na vakailesilesi ni Watch Tower Bible and Tract Society of Pennsylvania, ra qai vesu nira kaya na vakailesilesi ni matanitu ni ivola era tabaka e sega ni tokona na ivalu

MAJI 4, 1909—Veisautaki na isoqosoqo na People Pulpit Association me vakatokai me Watchtower Bible and Tract Society of New York, Inc.

JANUERI 31, 1909—Tokitaka na Gonevuli ni iVolatabu na nodra itikotiko liu e Brooklyn, e Niu Yoka

TISEBA 15, 1884—Tauyavu qai vakadonui me dua na isoqosoqo e vakadonui vakalawa na Watch Tower Bible and Tract Society of Pennsylvania

VEIYABAKI NI 1880—Tauyavutaka na Gonevuli ni iVolatabu na itikotiko liu e Allegheny, e Pennsylvania

JULAI 1879—Tabaki na imatai ni ilavelave ni Watchtower

1870—Tauyavutaka o Charles Taze Russell kei ira na nona itokani e dua na ilawalawa ni vuli iVolatabu e Allegheny, e Pennsylvania. Era qai kilai mera Gonevuli ni iVolatabu