Me tekivu ena ika23 ni Julai, 2018 e tete na kama vakaitamera volekata na vanua o Redding, e Kalifonia. E vakatokayacataki na kama qori ena vanua ga e tekivu yani kina, ratou mate kina e le walu, kama e sivia na 110,000 na eka na vanua, qai vakacacani e sivia na 1,300 na vale.

Sega ni dua na dautukutuku e mavoa, dua ga na tacida e kama ni vakayagataka tiko na misini ni vukei ira tiko na dauboko buka. Ia e sega ni kama levu sara na yagona. Era le 454 na tacida era sa tokitaki mera lai toka vakawawa ena nodra vale na wekadra, se vei ira na dautukutuku. E vakacacani e 12 nodra vale na tacida.

Era sa sikovi kece na dautukutuku, ra qai cakacaka vata na ivakatawa dauveilakoyaki, kei ira na qase ni ivavakoso e kea mera vakarautaka na veivuke vakayalo, vakayago tale ga vei ira na tacida ena gauna dredre qo.—Vosa Vakaibalebale 17:17.