Era volitaka na iVakadinadina i Jiova ena ika29 ni Noveba, 2016, na vale e tiko ena 69 Adams Street, Brooklyn, Niu Yoka. E 7,026 na mita vakarivirivi na vanua e tara tu kina na vale, ena dua na yasayasa e toka e batiniwai ena kedrau tadrua na wavu e Brooklyn kei Manhattan.

Era tara na vale qori na iVakadinadina i Jiova ena 1994, e vakayagataki ga vakalevu me ikelekele ni motoka, vanua ni vakaukauayago kei na qito. E tiko kina e 84 na ikelekele ni motoka, kei na rua na liva e rawa ni vodo kina na motoka.

E kaya o Richard Devine, e dua na nodra gusunivosa na iVakadinadina i Jiova: “Ena kalougata dina o koya e volia na vale ena gaunisala na 69 Adams, baleta ni toka donu qai levu tale na ka ena rawa ni caka ena vale. E rawa ni vakalevutaki tale ga na vale. Kena ivakaraitaki, e rawa ni toso na kena cere mai na 26 na mita ena gauna qo ina 85 na mita. E rawa ni toso tale ga na levu ni vanua e tara tu kina na vale ina 14,586 na mita vakarivirivi.”

Gusunivosa:

David A. Semonian, Valenivolavola ni iTukutuku, 1-845-524-3000