Ena Tusiti na ika20 ni Tiseba, 2016, era volitaka na iVakadinadina i Jiova na qele ena 85 Jay Street. Eratou volia na qele e tolu na kabani eratou dau caka bisinisi vata ena voli qele kei na vale. E toka na qele qori ena yasayasa kilai levu o Dumbo, e Brooklyn. E rauta ni 92,903 na mita vakarivirivi na vanua e volitaki, qai rawa ni caka kina e levu na ka ni veivakatorocaketaki.

Ena veiyabaki ni 1980 kei na 1990, a dau tu ena tikiniqele ena Jay Street e levu na vale ca. Era volia na iVakadinadina na qele qori me tara kina nodra vale ni tabaivola. Ia e veisau na matanicagi, e mani tokitaki i Wallkill, Niu Yoka, nodra vanua ni tabaivola. Dua na gauna lekaleka ga sa oti, sa tokitaki nodra itikotiko liu na iVakadinadina i Warwick, Niu Yoka. Sa volitaki tale ga na nodra qele kei na vale ena yasayasa o Brooklyn Heights kei Dumbo.

E kaya o Richard Devine, e dua na nodra gusunivosa na iVakadinadina: “E kunekunei dredre na qele ena 85 Jay Street, ni vakasamataki na ka levu ni tikiniqele, e toka ena dua na vanua veiganiti, e levu tale ga na ka e rawa ni caka kina ena veigauna se bera mai.”

Gusunivosa:

David A. Semonian, Valenivolavola ni iTukutuku, +1-845-524-3000