NIU YOKA—Era volitaka na iVakadinadina i Jiova ena ika31 ni Okotova na valetaba 16 era dau vakatawana na lewenivuvale e Peceli ena 21 Clark Street e Brooklyn Heights. A otela tu ena dua na gauna na vale qori, sa sivia qo e vasagavulu na yabaki na nodra tawana voli mai na iVakadinadina i Jiova. Na itaratara ni vale qo e vaka ga na nodra vale na kai Roma.

A dola ena 1928 na tabavale qo qai vakatokai me Leverich Towers Hotel. Oti vakalailai a veisau na yacana me Towers Hotel. A kilai tale ga me “Aristocrat of Brooklyn Hotels,” nira dau vakaicili kina e levu na tamata rogo. Ia ena veiyabaki ni 1970 a sega ni rawa ni ripeataki na vale qori.

Ni bera nira volia na iVakadinadina ena 1975, era dau redetaka e vica na tabavale qori mera vakavaletaki kina na veiqaravi ena valenivolavola liu. Era ripeataka vakarua na iVakadinadina na vale qori, na kena imatai a caka ena 1978, qai dua tale ena 1998.

E kaya o David A. Semonian na mata ni iVakadinadina i Jiova: “Vei keimami na donui Brooklyn Heights, keimami na sega ni guilecava rawa na tabavale qo. E sega wale ga ni vale makawa, ia e itikotiko totoka qai marautaki. Neimami toki qo e vaka keimami sa sogota kina e dua na wase ni ivola me baleta na neimami vakaitikotiko e Brooklyn ena veigauna sa sivi.”

E tokitaki na valenivolavola liu ni iVakadinadina i Jiova i Warwick, Niu Yoka ena 2016.

Gusunivosa:

David A. Semonian, Valenivolavola ni iTukutuku, +1-845-524-3000