Ena ika25 ni Okotova, 2019, e vakayacori na soqo ni veiwasewase ena Poliforum of Tuxtla Gutiérrez, e Chiapas, e Mexico. E sevutaka kina o Brother Armando Ochoa, e lewe ni Komiti ni Tabana e Merika e Loma, na New World Translation of the Holy Scriptures ena vosa vakaTzotzil. E saravi tale ga ena vidio e Centro de Convenciones. Na kedra iwiliwili kece o ira na tiko kina, kei ira na sarava era le 3,7474.

A sevutaki ena ika26 ni Tiseba, 2014 na New World Translation of the Christian Greek Scriptures ena vosa vakaTzotzil, e soli ga vakalevu vei ira na lewenivanua era vosa vakaTzotzil era tiko ena veiulunivanua kei na veibuca e Chiapas, e Mexico. E sivia toka na le 16,000,000 na itaukei e Mexico, e rauta ni le 500,000 era vosa vaka Tzotzil, wili kina na le 2,814 na tacida.

Levu na ka dredre era sotava na daunivakadewa ena vosa vakaTzotzil. Kena ivakaraitaki, e lailai sara na ivola e tabaki ena vosa qori, sega tale ga ni levu na kena ivolavosa. Kuria ya, e vitu ga na vosanivanua ena yasayasa ya. Ena vinakati kina vei ira na daunivakadewa mera digia vinaka na vosa mera kila kece na dauwiliwili ena vosa vakaTzotzil.

E kaya e dua na daunivakadewa: “Na ivakadewa ni iVolatabu qo e vakayagataki kina na yaca ni Kalou o Jiova. Ena vukei ira na dauwiliwili mera veitokani voleka kei na Kalou. Na rua tale na ivakadewa ni iVolatabu ena vosa vakaTzotzil, e biu ga na yaca ni Kalou ena ivakamacala e ra ni Vakarua. Ia qo na imatai ni iVolatabu ena vosa vakaTzotzil, me vakayagataka na yaca ni Kalou ena vanua dodonu ga me biu kina.” Kuria ya, e kaya e dua na dautukutuku e vosa vakaTzotzil, e “sau levu eso tale na ivakadewa ni iVolatabu vakaTzotzilo, e le vica ga era rawa ni volia. Ia na iVolatabu qo e sega ni saumi.”

Ena yaga dina vei ira na vosa vakaTzotzil na iVolatabu qori, kei ira na “kauaitaki nodra bula vakayalo.”—Maciu 5:3.