23 JUNE, 2021
MEXICO
Sevutaki na New World Translation of the Christian Greek Scriptures ena Vosa vakaChol
Ena ika20 ni June 2021, e sevutaka o Brother Robert Batko, e lewe ni Komiti ni Tabana e Merika e Loma na New World Translation of the Christian Greek Scriptures ena vosa vakaChol. E katoni na kena porokaramu qai sevutaki ena iyaya vakalivaliva. Era vakarorogo kina e le 800.
Eso Tale na iTukutuku
E vosanivanua na vosa vakaChol qai vosataki vakalevu ena yasayasa o Chiapas, ena ceva kei Mexico
Era vosataka na vosa qo e rauta ni 200,000 na lewenivanua
Sivia ni 500 na dautukutuku era veiqaravi ena 22 na ivavakoso kei na rua na iwasewase lailai vosa vakaChol
E 27 na vula nodratou vakadewataka na iVolatabu e 3 na daunivakadewa
E kaya e dua na tacida tagane a veivuke ena kena vakadewataki: “Na iVolatabu qo e vakayagataka na vosa rawarawa e vakayagataki e veisiga. Au marautaka niu wilika na wase yadua.”
E kaya e dua tale na tacida tagane: “Au rawa ni wilika na iVolatabu ena vosa vakaSipeni. Ia niu wilika ena vosa vakaChol, e tara na lomaqu baleta ni noqu vosa ga ni sucu. E vaka ga niu kania tu na kakana e saqa ga i vale, au taleitaka vakalevu.”
Eda kila ni na yaga vakalevu na iVolatabu qo vei ira na tacida vosa vakaChol mera vaqara kina na “iyau vuni.”—Vosa Vakaibalebale 2:4, 5.
Rawa ni o Wilika Tale ga
TARO E TAROGI WASOMA
E Tiko Nomuni iVolatabu na iVakadinadina i Jiova?
E rawa ni o vakavinakataka na ivakarau ni nomu vuli ni o vakayagataka e levu na vakadewa ni iVolatabu. Qo e tolu na tikina mo kila tiko me baleta na iVolatabu na Vakadewa ni Vuravura Vou.
E VAKAYAGATAKI VAKACAVA NA NODA CAU?
Tabaki na iVola Mareqeti Duadua
Levu na ka e okati ena kena vakadewataki, tabaki, qai dabani na New World Translation.