Ena ika25 ni Okosita 2023, e sevutaka o Brother Robert Batko, e lewe ni Komiti ni Tabana e Merika e Loma, na imatai ni va na ivola ena New World Translation of the Christian Greek Scriptures ena vosa vakaLow German. E sevutaki qori ena soqo ni veiwasewase e kena usutu, “Vakaraitaka na Vosota”! ena vosa vakaLow German. E caka na soqo e Cuauhtémoc ena siti o Chihuahua e Mexico, ra qai tiko kina na le 355. Ni oti ga na kena sevutaki, e rawa ni download ena iyaya vakalivaliva, wili kina na kena katokatoni. E veisoliyaki tale ga na ilavelave tabaki ni ivola The Bible—The Good News According to Matthew. Ena tabaki na vo ni tolu na ivola ena Kosipeli ni sevutaki na New World Translation of the Christian Greek Scriptures ena vosa vakaLow German. Na mataqali vosa vakaLow German qo e vosataki ena veivanua vakaMerika qai levu vei ira era vakaitikotiko e Mexico.

E yaga vakalevu na iVolatabu vou qo. E kaya e dua na tacida tagane, “E sega ni vakayagataki ena neimami iVolatabu na vakavakadigo, e dau dredre gona me kilai se o cei e vosa, se vosa tiko vei cei. Ia e rawarawa sara na ivakadewa qo.”

Eda marau vata kei ira na tacida era vosa vakaLow German qai nuidei ni na yaga vakalevu na iVolatabu qo mera vukei ira eso tale mera “kila vinaka na ka dina.”—1 Timoci 2:3, 4.