E vakadonuya na iLawalawa Dauvakatulewa me tokitaki na valenivolavola ni tabana e Merika e Loma, mai Mexico. Ena gauna qo e tiko volekata na siti o Mexico. Eratou lewena na Komiti ni Tarataravaki e 5 na tacida. Ratou sa vaqara tiko na vanua me tokitaki kina na vale ni tabana.

Me tekivu mai ena 1974, e vakavoutaki vakavica na valenivolavola ni tabana e Merika e Loma. Ena 2011, sa qarava tale ga na cakacaka e Belize, Costa Rica, El Salvador, Guatemala, Honduras, Nicaragua, kei Panama. a Ena vinakati me vakalevutaki na valenivolavola ni tabana me qaravi vinaka kina na cakacaka. Koya gona, me rawa ni tuvanaki vinaka na cakacaka vakaitalatala ena vinakati me tokitaki ena dua tale na vanua na valenivolavola ni tabana e Merika e Loma.

Ena wasei vakavica na cakacaka qo. Na kena imatai, ena vinakati me voli na qele me tara kina na ofisi kei na vanua mera tiko kina na 300 na lewe i Peceli. Ena okati ena ikarua ni wasewase na cakacaka ni tarataravaki.

E kaya o Brother Joseph Yi, e lewe ni Komiti ni Tarataravaki: “Ena gauna qo, keitou cakacaka vata tiko kei na lewe ni Komiti ni Tabana me vaqarai na vanua me tara kina na vale ni tabana. Keitou na saga me keitou digitaka e dua na vanua era na tokona kina na tarataravaki na vakailesilesi ni tauni. Keitou via raica sara ga na sala ena vakalougatataka kina o Jiova na cakacaka.”

Eda marautaka na tarataravaki qo, da qai masuti Jiova me vakalougatataka.—Vosa Vakaibalebale 16:3.