Ena ika19 ni Me, 2019 era sevutaka na iVakadinadina i Jiova na New World Translation of the Christian Greek Scriptures ena vosa vakaMarshall, ena Univesiti ni Ceva kei Pasifika e Majuro, e Marshall. Era okati tale ga ena soqo qori o ira na sema yani ina vanua e caka tiko kina, me vakataki ira ena yanuyanu o Ebeye, rauta ni 440 vakacaca na kilomita na kena yawa mai Majuro.

Era le 339 taucoko na tiko ena soqo lavotaki qori, wili kina o ira na le 151 na dautukutuku era tiko ena va na ivavakoso e Marshall. O ira na dautukutuku qori kei ira na 325 na dautukutuku tale era vosa vakaMarshall mai Merika, era sa rawa ni vakayagataka na iVolatabu qo ena nodra soqoni, vuli vakataki ira, kei na cakacaka vakavunau. E rauta ni le 61,000 vakacaca e veiyasa i vuravura era vosa vakaMarshall.

E kaya e dua na tacida e veivuke ena kena vakadewataki: “Na New World Translation of the Christian Greek Scriptures ena vosa vakaMarshall, e imatai ni vakadewa e vakayagataka na vosa ni gauna qo, e vakalesuya tale ga na yaca i Jiova ena vanua taumada a kunei kina. Qo ga na ivakadewa era rawa ni nuitaka na mataveitacini, ena vukei ira tale ga mera lomani Jiova vakalevu.”

Eda marau ni rogoca na kena sevutaki na ivola qo. E ivakadinadina tale ga ni tokona tiko o Jiova na cakacaka ni vakadewa ena duidui vosa, ira na “vetaira kei na vetaicake.”—Same 49:1, 2.