Ena ika25 ni Epereli, 2019, a ravuti Mozambique na cagilaba o Kenneth. Qo na ikarua ni cagilaba me ravuta na vanua qo, na kena imatai na cagilaba o Idai, a yaco qori ena Maji qai dua na ka na kena vakacaca. Ia na cagilaba o Kenneth e vakavuna me luvu e levu na veivanua, sisi na qele, vakacacani na veivale kei na gaunisala, vaka kina eso tale na vanua e sagai tiko me vakavinakataki.

Era tiko ena yasana o Cabo Delgado e rauta na le 300 na dautukutuku, ia e sega ni dua e mavoa se vakaleqai. E 16 nodra vale na tacida e vakacacani, e 9 tale e vakacacani vakadua. E tolu na Vale ni Soqoni e vakacacani, qai dua tale e vakacacani vakadua. Eratou sa sikovi ira kece na ivavakoso era vakacacani na ivakatawa ni tabacakacaka ena yalava qori, dua na mata mai na tabana ni tarataravaki kei na rua na tacida tagane mai na valenivolavola ni vakadewa tu yawa, me ratou veivakayaloqaqataki qai vukei ira na vakaleqai.

Meda masulaki ira na tacida nira na nuitaki Jiova tiko ga me vakayaloqaqataki ira ena “gauna ni rarawa” va qo.—Same 46:1.