Ena ika30 ni Epereli 2023, a caka e dua na soqo lavotaki e Maxixe, ena Yasayasa o Inhamban e Mozambique, qai sevutaki kina na New World Translation of the Christian Greek Scriptures ena vosa vakaGitonga. E sevutaka qori o Brother Wayne Wridgway, e lewe ni Komiti ni Tabana e Mozambique, ra qai tiko kina e le 920. E veisoliyaki na kena ilavelave tabaki, e rawa tale ga ni download ena iyaya vakalivaliva.

E vosataki na vosa qori ena Yasayasa o Inhambane, e Mozambique. Era kilai tani na lewenivanua i kea ena nodra veikauaitaki kei na yalololoma. Era vosataka na vosa qo e rauta ni le 327,000 ena veivanua o Homoíne, Jangamo, Maxixe, kei Morrumbene.

I liu e dredre mera kila na dautukutuku na vakadewa ni iVolatabu ena vosa vakaGitonga. Ia era marau ni sa dua na nodra iVolatabu e rawarawa na kena kilai. E kaya e dua na daunivakadewa: “Na tama dauloloma ena veivosaki kei luvena ni vakayagataka na vosa ni veisiga qai kilai rawarawa. E va tale ga qori na Tamada Dauloloma o Jiova, e rawarawa na nodra kila na tacida na ka e tukuna ena vakadewa ni iVolatabu qo.”

E kaya o Brother Wridgway: “Ke da via veivolekati kei na Kalou, e sega ni vinakati ga meda masu vua e veisiga ia e bibi tale ga meda wilika na nona Vosa ena iVolatabu. Oni uqeti gona moni dau wilika na iVolatabu qo, qai cakava tiko e veisiga.”

Eda marau kei ira na tacida ena sevutaki ni iVolatabu qo, meda masulaka tale ga ni na vakalougatataka o Jiova na yalava vosa vakaGitonga.—Roma 12:15.