Ena ika5 ni Maji 2023, e vakayacori e dua na soqo lavotaki ena raraniqito e Zimpeto ena siti o Maputo e Mozambique, ra qai tiko kina e le 3,150. E sevutaka kina o Brother Castro Salvado, e lewe ni Komiti ni Tabana e Mozambique, na New World Translation of the Christian Greek Scriptures ena vosa vakaRonga. Me tekivu mai na veitauvi ni COVID-19, qo na imatai ni soqo mera tiko tale kina na tacida. E veisoliyaki kina na ilavelave vou ni iVolatabu qo.

E rauta ni le 618,000 era vosataka na vosa vakaRonga ena yasayasa o Maputo, e Mozambique. Sa tiko rawa eso na vakadewa ni iVolatabu ena vosa qori, ia e dredre mera kila e levu ni vakayagataki kina na vosa makawa.

E kaya e dua na tacida e daunivakadewa: “Au vakavinavinakataka vakalevu na iloloma qo! Era marau na mataveitacini ni sa dua na nodra iVolatabu e matata, qai rawarawa ni wiliki. Ena uqeta sara ga na lomadra na vosa i Jiova.”

Eda marautaka kei ira na tacida na sevutaki ni nodra iVolatabu vou, da qai kerei Jiova me vakalougatataka tiko ga na nodra sasaga.—Roma 12:15.