Ena ika 27 ni June 2021, e sevutaka o Brother Adão Costa, e lewe ni Komiti ni Tabana e Mozambique na New World Translation of the Christian Greek Scriptures ena vosa vakaNyungwe. E sevutaki qori ena iyaya vakalivaliva ena porokaramu e katoni, ra qai sarava e sivia na 2,600 na dautukutuku nira sema ena internet. E saravi na kena porokaramu ena tivi, qai kaburaki ena siteseni ni retio e kea.

• E vosataki vakalevu na vosa qo ena vuaira kei Mozambique ena yasana o Tete

• Era vosataka e rauta ni 400,000 na lewenivanua na vosa qo

• Ratou vakadewataka na iVolatabu qo e 6 na daunivakadewa me 2 na yabaki

E kaya o Brother Costa: “Vica vata na yabaki e sega tu na iVolatabu vakaNyungwe. Era dau vakayagataka gona na mataveitacini na iVolatabu vakaChichewa. E dredre sara ga ni levu vei ira era sega ni kila vinaka na vosa vakaChichewa.”

Ni bera ni sevutaki na iVolatabu, e kaya e dua vei ratou na daunivakadewa: “Era na marautaka vakalevu na mataveitacini na iVolatabu vou qo. E vaka ga na tadra na cakamana qo mai vei Jiova, era na vakavinavinakataki koya vakalevu”.

Eda masulaka ni iVolatabu qo ena vukei ira e levu tale mera mai vakila na kena yaga.—Vakatakila 22:17.