Ena ika9 ni Julai, 2023, e sevutaki na iVolatabu ena vosa vagalu ni Mozambique ena dua na soqo ena siti o Maputo. E sevutaka o Brother Castro Salvado, e lewe ni Komiti ni Tabana e Mozambique. Era rogoca na kena ivunau na le 857, e wili kina o ira na sema ena Internet. Sa rawa ni download na kena lavelave ena porokaramu na JW Library Sign Language se ena jw.org.

Ena 2017, e tauyavutaki e dua na timi ni vakadewa ena vosa vagalu ena valenivolavola ni tabana e Maputo. E caka qori ni tubu tiko ga na kedra iwiliwili ni tacida era galu e Mozambique. Me yacova mai qo, era veiqaravi tiko e sivia na 344 na dautukutuku ena 5 na ivavakoso, 12 na iwasewase lailai kei na 10 na iwasewase vou ena yalava ni vosa vagalu.

Qo na imatai ni iVolatabu me vakadewataki ena vosa vagalu ni Mozambique. E kaya e dua vei ratou na daunivakadewa: “O ira na vosataka na vosa vagalu ni Mozambique, era se bera vakadua ni wilika na masu ni Turaga ena nodra vosa. Au rai vakanamata gona meu vukei ira noqu vuli iVolatabu, mera kila na bibi ni masu qori nira wilika na Maciu 6:9-13.”

Eda marau ni na yaga na iVolatabu vou qo vei ira e levu na tataleitaki e Mozambique mera vulica na “vosa ni Kalou.”—Roma 3:2.