7 EPERELI, 2022
MYANMAR
Sevutaki na New World Translation ena Vosa vaKaren (S’gaw)
Ena ika27 ni Maji 2022, e sevutaka ena iyaya vakalivaliva o Brother Mats Kassholm, e lewe ni Komiti ni Tabana e Myanmar, na New World Translation ena vosa vaKaren (S’gaw). E katoni na kena porokaramu, ra qai sarava e rauta ni le 620. Sa tiko na kena ilavelave tabaki ena Epereli 2022.
Ena 1914, era gole i Myanmar na isevu ni Gonevuli ni iVolatabu. Rauta na 1940, e papitaiso na imatai ni dautukutuku vosa vaKaren (S’gaw) e Myanmar.
Ena yaga sara vakalevu na New World Translation qo, ni vakatauvatani kei na so tale na vakadewa ni iVolatabu vosa vaKaren (S’gaw) e tu kina na vosa e dredre me kilai, qai cala na kena ibalebale. Kena ivakaraitaki, na vakadewa ni iVolatabu vosa vaKaren (S’gaw) e vakadewataka na Same 72:16 me “sinai na liga ena covuata ni vuravura.” Ia e donu vinaka na vakadewa ni New World Translation ni tikinivolatabu qo, e tukuni kina ena “levu na covuata e vuravura.”
Na sevutaki ni iVolatabu qo e nona iloloma talei o Jiova vei ira na dautukutuku vosa vaKaren (S’gaw). Eda nuidei ni na vukei ira mera kaukaua tiko ga vakayalo.—1 Peter 5:10.
Rawa ni o Wilika Tale ga
TARO E TAROGI WASOMA
E Tiko Nomuni iVolatabu na iVakadinadina i Jiova?
E rawa ni o vakavinakataka na ivakarau ni nomu vuli ni o vakayagataka e levu na vakadewa ni iVolatabu. Qo e tolu na tikina mo kila tiko me baleta na iVolatabu na Vakadewa ni Vuravura Vou.
E VAKAYAGATAKI VAKACAVA NA NODA CAU?
Tabaki na iVola Mareqeti Duadua
Levu na ka e okati ena kena vakadewataki, tabaki, qai dabani na New World Translation.