E vica vata na yabaki na kena waluvu tiko na vanua o Nigeria ena tau bi ni uca. E vakacacani vakalevu na baravi ena ceva, kei na uciwai na Niger kei Benue. E vakacacani tale ga na gaunisala, na wavu, era tokitaki e sivia ni 1 na milioni na lewenivanua, ra qai mate e rauta ni le 600. E kaya na tabana ni veivuke ena leqa tubukoso e Nigeria na National Emergency Management Agency, ni qo e dua na waluvu “levu.” Era kaya na vakailesilesi na vakacaca ni waluvu qo, e rawa ni vakavuna me lailai na kakana.

• Sega ni dua e mate

• Tokitaki e le 4,074

• Waluvu e 900 na vale

• Vakarusai e 180 na vale

• Waluvu e 70 na Vale ni Soqoni, kei na 1 na Vale ni Soqoni Lelevu

• Tuvanaki e 4 na Komiti ni Vakacoko

• Vakarautaki na kakana vei ira na tacida era tokitaki, vanua mera toka vakawawa kina, kei na so tale na ka

• Era veivakayaloqaqataki na qase ni ivavakoso kei na ivakatawa ni tabacakacaka vei ira na vakaleqai, ra vakarautaka tale ga na veika era gadreva

• O ira kece era veivuke ena vakacoko era muria tiko na vakatatabu ni COVID-19

Dina nida donuya tu qo na gauna dredre, ia eda marau nida kila o Jiova ena “ivakaruru ena siga ni leqa” vei ira nona dauveiqaravi. Ena vakarautaka vei ira na veika vakayago, vakayalo tale ga.—Same 27:5.