Ena Seviteba kei na Okotova 2020, dua na ka na bi ni uca e Nigeria e waluvu kina na veivanua qori. E vakacacani e levu na vale kei na iteitei. E ka ni rarawa ni takali e dua na tacida tagane ena leqa tubukoso qo. Kuria oya, era tokitaki e sivia e 1,828 na dautukutuku, e vakacacani tale ga e rauta ni 62 nodra vale na tacida.

E tauyavutaka na valenivolavola ni tabana e Nigeria e vitu na Komiti ni Vakacoko me tuvanaka na cakacaka ni vakacoko, e muri tale ga na vakatatabu ni COVID-19. Era cakacaka vata na ivakatawa ni tabacakacaka kei ira na qase ni vavakoso ena nodra vukei vakayago, vakayalo tale ga na tacida era vakaleqai.

Eda rarawataka ni so era takali ena leqa tubukoso qo. Ia eda kila o Jiova na Kalou na noda ivakabula, ena veivakacegui qai vukei ira tiko ga na tacida ena gauna dredre qo.—Same 68:19.