Na bisa ni uca e waluvu kina o Nigeria, vakauasivi na yasayasa ena ceva, kei na loma kei Nigeria. E luvu e rua na uciwai lelevu, na Benue kei na Niger. Era mani tokitaki kina e udolu vakacaca na lewenivanua, era mate e sivia na le 100.

E ripotetaki taumada ni sega ni dua na tacida e vakaleqai nona bula se mavoa. Ia na waluvu qori era tokitaki kina e rauta ni le 2,000 na tacida, qai sivia na le 1,000 me vakarautaki vei ira na veivuke. Levu ga vei ira na toki qori era lai tiko kei ira na tacida ena vanua e sega ni waluvu.

E tauyavutaki e dua na Komiti ni Vakacoko me vakarautaka na ka ni veivuke, kei na nodra vakayaloqaqataki vakayalo na tacida. E vakaitavi e rua na lewe ni Komiti ni Tabana e Nigeria, dua na ivakatawa ni tabacakacaka, kei ira na tacida ena Tabana ni Veiqaravi vaka kina o ira ena Tarataravaki e Qarava na Valenivolavola ni Tabana, mera sikovi na dautukutuku era tiko ena vanua e vakacacani.

Na gauna dredre qori ena noda “ivunivuni” tu ga na Tamada vakalomalagi o Jiova “ena gauna ni leqa.”—Same 37:39.