Ena ika4 ni Maji 2024, e taura tu vakawawa na Oslo District Court na vakatulewa ni matanitu e Norway, me baleta nodra galala ni sokalou na iVakadinadina Jiova. Era kerea na iVakadinadina i Jiova me rogoci tale na kisi.

E bokoca na kovana e Oslo kei Viken na rejisita ena icavacava ni yabaki ni 2022. Ena ika30 ni Tiseba 2022, e taura tu vakawawa na vakatulewa qori na Oslo District Court me yacova ni sa caka na veivaqaqai. Ena gauna qo ena sega ni vakadonui na kena vakalawataki na veika me baleti ira na iVakadinadina i Jiova ena matanitu o Norway, me yacova nira veisautaka na ivakavuvuli era muria me baleta nodra vakasivoi o ira era cala mai na ivavakoso.

Na vakatulewa qo e okati kina na nodra sega ni vukei na iVakadinadina i Jiova ena veivuke e vakarautaka na matanitu vei ira na vo ni 700 na matalotu vakalawataki ena vanua ya. E wili tale ga kina na kena kau laivi na dodonu mera qarava na ivunau ni vakamau na tacida tagane.

Nida waraka tiko na kena rogoci na vakatulewa me baleta na kisi qori, eda na masulaki ira tiko ga na tacida “ena vukudra na tui kei ira kece na vakaitutu, me rawa nida bula galala tiko ga, meda vakacegu nida qarava mai vu ni lomada na Kalou.”​—⁠1 Timoci 2:​1, 2.