E kamayavu nodrau vale e dua na veiwatini iVakadinadina i Jiova ena vuku ni veitaravi ni kama e yaco tiko e New South Wales, kei Kuinisiladi, e Ositerelia. E rauta na 2.5 na milioni na eka ni vanua e tete kina na kama. E sega ni dua na tacida e mate se mavoa, sega tale ga ni vakacacani na Vale ni Soqoni kei na Vale ni Soqo Lelevu.

Era nanuma na vakailesilesi ni vakavuna na kama qori, eso era dau nakita na vakamakama. Tekivu mai na Seviteba, ratou mate e le 6, qai kamayavu e rauta e 650 na vale.

Era tokitaki e rauta na le 200 na tacida, ia era sa lesu tale ena nodra vale. Era sa veivuke tiko na mataveitacini vei rau na veiwatini sa tukuni oti mai. Era veivakayaloqaqataki tale ga na qase ni vavakoso vei ira na vakaleqai ena kama.—Cakacaka 20:28.