Era gole ena siti o Wollongong, e rauta ni le 300 na iVakadinadina i Jiova mai na veiyasa i Ositerelia mera vakaitavi ena vunau e matanalevu. Ena ika18 ina ika25 ni Seviteba 2022, e caka ena vanua qori na veisisivi vodo basikeli, e vakatokai na Union Cycliste Internationale Road World Championships. Ena veiyabaki, era dau gole kina e sivia na le 200,000 na vulagi mai na 70 na vanua.

Era veisoliyaka na tacida e sivia ni 600 na noda ivola, qai ra vukea e levu me download na ivola kei na vidio ena nodra vosa. Era ciqoma tale ga na nodra kerea na le 18 mera vulica na iVolatabu. Me tekivu ena Seviteba, ratou sa sega ni calata na soqoni e le 5 na vuli iVolatabu. E kaya e dua na tacida tagane: “E vakalougatataka sara ga o Jiova na noda cakacaka.” E kaya e dua tale na dautukutuku: “Dua na ka na nodra veikauaitaki na mataveitacini. Qo e dua na gauna guiguilecavi dredre vei au, e vakabulabulataki sara ga na noqu cakacaka vakaitalatala.”

Eda marau vata kei ira na tacida mai Ositerelia nira “tukuna na lagilagi ni noda Kalou!”—Vakarua 32:3.